لاقلتلك خلني تكفا تخليني .. النفس ضاقت وتعرف من مضيقها

لاقلتلـك خلّنـي تكـفـا تخليـنـي
النفس ضاقت وتعرف مـن مضيقهـا

ماني بحاجـه علومـك لـو تسلينـي
بعّد عن العين واحسـن لـو تفارقهـا

لاضقت انا حتى روحـي ماتدانينـي
واليا هـدا البـال غربهـا وشرقهـا

لو كان غيرك حـرام انـه يحاكينـي
لو كان كل الدروب البيض يطرقهـا

تدري؟ وش اللي ذبحني والبلا فيني
بعرف عروق الغلا وشلون تسرقهـا

يمكن تكون الخيانـه مـن شرايينـي
والا حظوظـك يجـوز الله موفقهـا

ماقلت لحدن سوى امي يابعـد عينـي
وشلـون خليتنـي لعيونـك انطقهـا

ياروح روحـي ياقلبـي يابساتينـي
يابسمه العيـن ليـه العيـن ترهقهـا

والله من زود حبك صنـت رجلينـي
ماشفتني يوم اسوق الرجـل وافهقهـا

انا بصفك واضيـع وانشـدك وينـي
وشلون لارحـت جدرانـي اصفقهـا

ماتدري اني شريتك يـوم تشرينـي
عشان حبك ابيـع الخلـق واحرقهـا

ارجـوك لاشفتنـي ضايـق تخلينـي
واليا هـدا البـال غربهـا وشرقهـ






عبدالكريم الجباري